د افغانستان د شفافیت د څارنې اداره، د چارو کارپوهان او عام خلک په افغانستان کې د کانونو د غیر قانوني او غیر مسلکي کېندنې وضعیت د اندېښنې وړ ګڼي وايي چې که حکومت او امنیتي ارګانونه یې مخنیوی ونه کړي د دغه هېواد راتلونکې له جدي ګواښ سره مخ ده.
دوی د کانونو په غیرقانوني کېندنه کې د حکومت لوړ پوړي چارواکي، د ملي شورا غړي، زورواکي ټوپکوال او د حکومت وسله وال مخالفین تورن ګڼي.
دا په داسې حال کې ده چې د حکومت اجراییه او د ولسي جرګې د طبیعي سرچینو او چاپیریال ساتنې کمېسیون دغه ادعاوې نه مني.
په ورته وخت کې د افغانستان د کانونو او پطرولیم وزارت د کانونو د غیرقانوني استخراج کوونکو پېژندګلوي او مخنیوی د امنیتي ارګانونو کار ګڼي او د افغانستان د کورنیو چارو وزارت وايي چې په دې برخه کې یې اقدامات کړي دي.
په دې اړه تفصیل زموږ د همکار اجمل تورمان په دې تفصیلي راپور کې اورو:
Your browser doesn’t support HTML5
د کانونو د غیرقانوني او غیر مسلکي کېندنې وضعیت