د القاعده شبکې د پخواني مشر اسامه بن لادن د وژل کېدو پنځه کاله پوره شول.
پنځه کاله مخکې په همدې نېټه د امريکا ځانګړو ځواکونو د پاکستان پلازمېنې اسلام اباد ته نژدې په ايبټ اباد سيمه کې د اسامه بن لادن پر کور حمله وکړه او دى يې وواژه.
د امريکا د مرکزي استخباراتو د ادارې مشر په همدې مناسبت په خپله وينا کې ويلي چې د اسلامي دولت ډله يا داعش ښايي د زياتې مودې لپاره امريکا ته د زياتېمودې لپاره ستونزې پېښې کړي.
جان برينان دا خبرې پرون له NBC ټلويزيون سره په مرکه کې کړي.
هغه ويلي د داعش ډلې د مشر له منځه وړل به د دې سخت دريځې ډلې ماتېدو ته زمينه برابره کړي.
صالح محمد صالح د شخړې او سولې د انسټيټوټ له څېړونکي حکمت الله اعظمي نه د مرکې په پيل کې پوښتنه کړې، ايا د القاعده شبکې د مشر وژل کېدو دغه ډله کمزوري کړه؟
Your browser doesn’t support HTML5
له ښاغلي اعظمي سره مرکه