د عراق امنیتي ځواکونو د بغداد په زرغونې سیمې کې د مظاهره چیانو د خورولو لپاره له اوښکې بهونکي ګاز څخه کار اخیستی او هوايي ډزې یې کړي.
د غلته د شیعه ملا مقتدا صدر سلګونه پلویان د بغداد زرغونې سیمې ته ننوتي دي او ځینو یې د پارلمان او کابینې ودانۍ اشغال کړي دي.
له مظاهره چیانو څخه د علي محمد په نوم یو تن د رویټرز خبري اژانس ته داسې وویل:
"خلک پر خپل ځان د واکمنۍ لپاره سم ځای ته راغلي دي، زموږ یوازینۍ مشروع غوښتنه د اوسني حکومت پر ځای د خپلواکو تیکنو کراتانو د یوې کابینې رامنځ ته کېدل دي، موږ اوسني حکومت او شعارونو ته یې " نه " وایوو."
تر دې مظاهرې مخکې د عراق د پارلمان وکیلانو د دې هېواد په حکومت کې د اصلاحاتو په اړه له رای ورکولو ډه ډه وکړه.
د شنبې د ورځې په پیل کې شیعه بانفوذه ملا مقتدا صدر عراقي سیاستوال تورن کړل چې د فساد پر ضد د مبارزې د ناکامولو هڅې کوي.