د کندز د سوداګرۍ اوصنایعو خونه وایي چې د شېرخان بندر د عوایدو سطح په تېره یوه میاشت کې ۱۵فیصده لوړه شوې ده.
د دغه خونې د صادراتو مدیر مسعود وحدت په شیرخان بندر کې د عوایدو د زیاتوالې
عوامل د کار کوونکو لپاره ښه کاري محیط او سوداګرو ته د اسانتیاو برابرول وبلل.
ښاغلي وحدت له حکومته د شېرخان بندر د امنیت د ټینګولو غوښتنه وکړه.
د کندز د صادراتو مدیر زیاته کړه چې حکومت باید په دغه ولایت کې د تاجکستان د قونسلګرۍ بیرته پرانیستلو ته توجه وکړي ځکه چې د افغان سوداګرو ۹۰ په سلو کې
سوداګریزې چارې د تاجکستان له لارې ترسره کیږي.