د کابل جلال اباد پر لویه لاره په یوه ترافیکي پېښه کې پنځو کسانو ته مرګ ژوبله اوښتې ده.
د لغمان د والي ویاند سرحدي ځواک ازادي راډیو ته ویلي چې په دغه پېښه کې دوه کسه مړه شوي او درې نور ټپیان شوي دي.
د ښاغلي ځواک په وینا دغه پېښنه نن سهار شا او خوا پنځه نیمې بجې شوې ده او ټپیان پر وخت سره روغتونو ته رسېدلي دي.
تر دې وړاندې هم پر یاده لار ترافیکي پېښې رامنځته شوي چې لامل یې تر ډېره د موټر چلوونکو بې احتیاطي بلل شوې.