په کابل کې نن یوې خیریه موسسې د ۳۱ بې وزله جوړو د واده ډله ییز مراسم ترسره کړل.
د دې موسسې مسولینو وویل، چې د دې کار هدف یې دا دی، چې نور سوداګر او پانګه وال هم وهڅول شي، څو له بې وزله ځوانانو سره د ودونو په مراسمو کې مرسته وکړي.
دا په داسې حال کې ده، چې دا مهال اکثره افغان ځوانان د بې وزلۍ له امله واده کولو ته زړه نه ښه کوي.
له دې وړاندې په یو شمېر نورو ولایتونو کې هم سوداګرو د بې وزله ځوانانو ډله ییز ودونه کړي دي.