ملګري ملتونه وایي، که په نړۍ کې له کلیوالو ښځو ملاتړ وشي او امکانات ورته برابر شي د کرنې په محصولاتو کې به څلور برابره زیاتوالی راشي او لږ تر لږه یو سلو پنخوس میلیونه وګړي به له لوږې وساتل شي او د بېوزلۍ په راکمولو کې به تر ټولو ښه چاره وي.
په افغانستان کې هم اکثره ښځې کلیوالي ژوند لري، سره له دې چې دوی سخت او درانه کارونه کوي، په سیاسي او ټولنیزو چارو کې یې ونډه کمه یا په نشت حساب ده او د تعلیم او روغتیا په څېر لومړنیو انساني حقونو څخه بې برخې دي.
په کلیوالو سیمو کې معمولا یوه افغانه ښځه د ورځې له پنځلس تر اتلس ساعتونو پورې سخت کارونه کوي خو له دې امله چې له کاره یې پیسه لاس ته نه راځي نو دغه منډې ترړې یې د ټولنې او کورنۍ لخوا کار نه ګڼل کېږي او ارزښت نه ورکول کېږي حال دا چې ګڼ کرنیز او حیواني محصولات همدا ښځې تولیدوي.
په خپرونه کې به واورئ چې افغان ښځې کوم کارونه کوي او په دې اړه څه وايي.
