په داسې حال کې چې ولسمشر حامد کرزي په ارزګان کې د ناټو ځواکونو عمليات خپلسري ګڼلي او دا يې د افغانستان او ناټو ترمنځ د لاسليک شوي تفاهم ليک له موادو سرغړونه ګڼلې؛ ايساف ځواکونه وايي، چې افغان او اسټراليايي ځواکونو په ګډه په ارزګان کې بريالي عمليات کړي دي.
د ناټو تر مشرۍ لاندې ايساف ځواکونه وايي، په ارزګان کې يې وروستي عمليات د مفصلو استخباراتي معلوماتو پر اساس کړي او هدف يې هغه سخت دريځي وسله وال وو؛ چې د درېيو اسټراليايي پوځيانو د وژلو او دوو نورو د ټپي کولو مسوول وو.
د ملي اردو يوه عسکر تېره چهارشنبه ناوخته په مرکز ټرينکوټ کې درې اسټراليايي سرتېري په ډزو ووژل او دوه نور ټپيان کړل.
ايساف وژل شوي اسټراليايان اتلان بللي، چې د دوى په وينا د افغانستان د ښه راتلونکي لپاره يې خطرونه منلي وو.
د ارزګان له پېښې څو ساعته وروسته دوه نور اسټراليايي سرتېري په هلمند کې د يوې الوتکې د سقوط په پېښه کې ووژل شول.
د اسټراليا صدراعظمې "جوليا ګيلارډ" پر يوه مهال د پنځو اسټراليايي سرتېرو وژنه د ويټنام تر جګړې وروسته د خپلو ځواکونو لپاره خونړۍ پېښه بللې وه. ولسمشر کرزي د اسټراليا له چارواکو سره خواخوږي ښوولې وه.
افغان چارواکي په ارزګان کې د ايساف د عملياتو قربانيان مکليان ګڼي.
د جمهوري رياست د مطبوعاتي دفتر اعلاميه وايي، چې د بهرنيو ځواکونو له خوا د مرکز ترينکوټ اړوند په "صوله" سيمه کې د وړمې شپې په عملياتو کې ٧٠ کلن حاجي راز محمد او د هغه ٣٠ کلن زوى عبدالجليل وژل شوي دي.
که څه هم ايساف وايي، په دغو عملياتو کې افغان ځواکونو هم ورسره ګډون درلود؛ خو د ارګ په اعلاميه کې دغه عمليات يوازې د اسټراليايي ځواکونو کار بلل شوى دى.
د ارزګان چارواکو ويلي، چې دغه عمليات په خپلسر شوي، چې په نتيجه کې يې د ايساف ځواکونو له خوا ٩ تنه سيمه ييز اوسېدونکي بېول شوي وو؛ چې وروسته د ځايي چارواکو په مرسته بېرته خوشې شول.
د ارګ مطبوعاتي اعلاميه وايي، چې د پېښې په اړه څېړنې پيل شوې دي.
ايساف په يوه اعلاميه کې چې تېره شپه ناوخته يې خپره کړې ويلي؛ په ارزګان کې شوي عمليات د ايتلافي او افغان ځواکونو ترمنځ د همکارۍ ماموريت و.
اسټراليا چې د ناټو له چوکاټه دباندې په افغانستان کې يونيم زر سرتېري لري.
د ناټو تر مشرۍ لاندې ايساف ځواکونه وايي، په ارزګان کې يې وروستي عمليات د مفصلو استخباراتي معلوماتو پر اساس کړي او هدف يې هغه سخت دريځي وسله وال وو؛ چې د درېيو اسټراليايي پوځيانو د وژلو او دوو نورو د ټپي کولو مسوول وو.
د ملي اردو يوه عسکر تېره چهارشنبه ناوخته په مرکز ټرينکوټ کې درې اسټراليايي سرتېري په ډزو ووژل او دوه نور ټپيان کړل.
ايساف وژل شوي اسټراليايان اتلان بللي، چې د دوى په وينا د افغانستان د ښه راتلونکي لپاره يې خطرونه منلي وو.
د ارزګان له پېښې څو ساعته وروسته دوه نور اسټراليايي سرتېري په هلمند کې د يوې الوتکې د سقوط په پېښه کې ووژل شول.
د اسټراليا صدراعظمې "جوليا ګيلارډ" پر يوه مهال د پنځو اسټراليايي سرتېرو وژنه د ويټنام تر جګړې وروسته د خپلو ځواکونو لپاره خونړۍ پېښه بللې وه. ولسمشر کرزي د اسټراليا له چارواکو سره خواخوږي ښوولې وه.
افغان چارواکي په ارزګان کې د ايساف د عملياتو قربانيان مکليان ګڼي.
د جمهوري رياست د مطبوعاتي دفتر اعلاميه وايي، چې د بهرنيو ځواکونو له خوا د مرکز ترينکوټ اړوند په "صوله" سيمه کې د وړمې شپې په عملياتو کې ٧٠ کلن حاجي راز محمد او د هغه ٣٠ کلن زوى عبدالجليل وژل شوي دي.
که څه هم ايساف وايي، په دغو عملياتو کې افغان ځواکونو هم ورسره ګډون درلود؛ خو د ارګ په اعلاميه کې دغه عمليات يوازې د اسټراليايي ځواکونو کار بلل شوى دى.
د ارزګان چارواکو ويلي، چې دغه عمليات په خپلسر شوي، چې په نتيجه کې يې د ايساف ځواکونو له خوا ٩ تنه سيمه ييز اوسېدونکي بېول شوي وو؛ چې وروسته د ځايي چارواکو په مرسته بېرته خوشې شول.
د ارګ مطبوعاتي اعلاميه وايي، چې د پېښې په اړه څېړنې پيل شوې دي.
ايساف په يوه اعلاميه کې چې تېره شپه ناوخته يې خپره کړې ويلي؛ په ارزګان کې شوي عمليات د ايتلافي او افغان ځواکونو ترمنځ د همکارۍ ماموريت و.
اسټراليا چې د ناټو له چوکاټه دباندې په افغانستان کې يونيم زر سرتېري لري.