د افغانستان د کرکټ څلور ملي لوبغاړي په بېګ باش کې د لوبېدو لپاره اسټرالیا ته ولاړل.
محمد نبي پرون په خپل ټوېټر لیکلي چې له ځوانانو سره بېګ باش یا د اسټرالیا د کرکټ غوره لیګ ته روان شو.
محمد نبي، مجیب ځدراڼ، ظاهرخان او نوراحمد لکڼوال په بېګ باش کې د لوبېدو لپاره اسټرالیا ته تللي.
تر دې مخکې راشد خان د هند د کرکټ له غوره لیګ څخه مستقیماً د بېګ باش سیالیو لپاره اسټرالیا ته تللی دی.
د اسټرالیا د کرکټ د شل اوریزو سیالیو غوره لیګ بېګ باش د ډسمبر له لسمې پيلیږي.