د افغانستان د موی ټای لوبډله، د موی ټای په نړیوالو سیالیو کې د ګډون په هدف نن د پنجشنبې په ورځ ټایلینډ ته لاړه.
د افغانستان د بدني روزنې ویاند عارف پیمان ازادي راډیو ته وویل، پهدغه لوبډله کې نهه هلکان او دوه نجونې ورزشکارانې شاملې دي.
د پیمان په خبره دغه سیالۍ د ۱۰۷ هېوادونو ترمنځ سبا د جمعې په ورځ پیلېږي.
ده هیله وښوده چې افغان ورزشکاران پهدغو سیالیو کې ښه وځلېږي.
د افغانستان د موی ټای لوبډله په ۲۰۱۶ میلادي کال کې له دغو سیالیو نه د بُرونز مډال خپل کړی و.