د اسیا د ښځینه کرکټ جام سیالیو په لومړۍ لوبه کې هندوستان مالیزیا ته په لوی توپیر ماته ورکړه.
د کرک انفو ویبپاڼې د معلوماتو له مخې، هندوستان لومړی بیټنګ وکړ او په ټاکلو شلو اورونو کې یې د ۳ وایکټو په زیان سره مالیزیا ته د ۱۷۰ منډو هدف وټاکه چې په ځواب کې یې ټوله مالیزیايي لوبډله په ۱۴م اوور کې يوازې په ۲۷ منډو وسوځېده او لوبه یې د ۱۴۲ منډو په توپیر بایلوده.
د دغو سیالیو په بله لوبه کې بیا پاکستان ټایلنډ ته په ۸ وایکټو او ۴۱ بالونو ستره ماته ورکړه.
د اسیا د ښځینه جام سیالۍ د شپږو لوبډلو ترمنځ په سریلانکا کې روانې دي.