د افغانستان او پاکستان کرکټ بورډونو د دواړو هېوادونو تر منځ د یو لړ مسابقو په کولو موافقه وکړه.
دا موافقه پرون په لاهور کې د پاکستان او افغانستان د کرکټ بورډونو د مشرانو تر منځ په کتنه کې وشوه.
افغان کرکټ بورډ وايي، د دې موافقې له مخې افغان او پاکستاني ټیمونه به په خپلو کې ۲ شل اوریزه سیالي کوي او پاکستان به افغان لوبغاړو ته خپل یو لوبغالی ورکړي.
دغهراز موافقه شوې ده چې د افغانستان او پاکستان د کرکټ ملي ټیمونو تر منځ به یو سریز او د الف او سیمهییز ټیمونو تر منځ به هم یو لړ مسابقې کېږي.
د افغانستان د کرکټ بورډ مشر عاطف مشعل وویل کرکټ او نور سپورټونه باید له سیاست لیرې وي.
ښاغلي مشعل زیاته کړه:
"پر دواړو خواو باید د حکومتونو سیاست اغېز ونهلري، موږ دواړه لوري به هڅه وکړو چې سپورټ په ځانګړي ډول کرکټ د دواړو هېوادونو له سیاست څخه لیرې وساتو."
ټاکل شوې ده چې د دواړو هېوادونو تر منځ لومړنۍ شل اوریزه سیالي په راتلونکې جولای میاشت کې په افغانستان او دوهمه په اګسټ کې په پاکستان کې وشي.
خو د دواړو ټیمونو تر منځ د سیریز د نېټې په اړه لا څه نهدي ویل شوي.