د جوزجان ولایت سیمهییز چارواکي وايي چې د یاد ولایت په درزاب ولسوالۍ کې د وسلهوالو طالبانو او داعش وسلهوالو تر منځ جګړه شوې ده.
د جوزجان والي ویاند محمد رضا غفوري ازادي راډیو ته وویل چې دغه نښته تېره شپه د یادې ولسوالۍ په چنانک سیمه کې د طالبانو پر پټنځای د داعشیانو د حملې پر مهال رامنځته شوې ده.
ښاغلي غفوري زیاته کړه چې په دغې نښته کې د الله داد قصاب په نوم د وسلهوالو طالبانو یو مهم قوماندان وژل شوی او ۹ تنه نور وسلهوالیې داعشیانو له ځان سره بولي دي.
تر دې وړاندې د جوزجان ولایت امنیتي چارواکو ویلي و چې وسلهوالو طالبانو او داعش وسلهوالو په درزاب ولسوالۍ کې فعالیت پیل کړی دی.
دا په داسې حال کې ده چې څو ورځې وړاندې د افغان ولسمشر لومړي مرستیال جنرال عبدالرشید دوستم شمال ته د داعش وسلهوالو د تګ په اړه خبر ورکړی و.
تر دا مهاله دې دواړو وسلهوالو ډلو په دې اړه څه نهدي ویلي.