ټاکل شوې ده چې د افغانستان د فوتسال ملي لوبډله نن (شنبه) د اسلامي هیوادونو د پیوستون سیالیو په ترڅ کې له مراکش سره مخامخ شي.
افغان لوبډله په ( بي) ګروپ کې له تاجکستان، مراکش او ایران سره یوځای ده. تاجکستان ته یې نهه پر پنځو ماتې ورکړې ده، له ایران سره یې د پنجشنبې په ورځ سیالي دوه پر دوه مساوي کړه.
که افغان لوبډلې نن مراکش ته ماته ورکړه، د دې سیالیو بل پړاو ته وځي.
دا لوبې د سعودي عربستان په پلازمینه ریاض کې روانې دي.
د اسلامي پیوستون لوبو په ترڅ کې د اووه پنځوس اسلامي هیوادونو څه باندې درې زره لوبغاړي په نولس بیلابیلو ورزشي څانګو کې سیالۍ سره کوي.