په داسې حال کې چې د می په پنځمه د قابله ګانو نړیواله ورځ لمانځل کیږي، په افغانستان کې یو شمیر قابله ګانې له سختو کاري شرایطو شکایت کوي او د دې برخې محصلینې بیا له ناڅرګند راتلونکي سره مخ او له زده کړو محرومې ګرځول شوي دي.
د هند او پاکستان ترمنځ د وروستي کړکېچ او د دواړو هېوادونو ترمنځ د بندرونو او ټرانزیټي لارو د بندېدو له امله افغان سوداګرو ته درانه مالي زیانونه اوښتي دي.
په داسې حال کې چې د سالنګونو په ګډون، په بېلابېلو ولایتونو کې نن او سبا هم د سختو بارانونو او سیلابونو د راوتلو اټکل شوی، د طالبانو د حکومت له پېښو سره د مبارزې د چمتوالي ملي اداره وايي، په شمالختیځ زون کې وروستیو سیلابونو خلکو ته درانه مالي او ځاني زیانونه اړولي دي.
له پاکستانه خپل هېواد ته د افغان کډوالو بېمخینې ستنېدو ته په پام، د سره صلیب او سرې میاشتې نړیوال فدراسیون له نړیوالې ټولنې غوښتي چې په دې حساس وخت کې د افغانانو ترڅنګ ودریږي.
د افغانستان د بیلابیلو ولایتونو یو شمېر اوسېدونکې په خپلو سیمو کې د ښاري بسونو له نشتوالي شکایت کوي او د دې خدماتو د پیل کېدو او زیاتوالي غوښتونکي دي.
د پاکستان حکومت له دې اعلان سره سره چې هغه افغان ترانزیتي موټرو ته کوم چې هند ته افغان توکي لېږدوي په واګه بندر د تېرېدو اجازه ورکوي، یو شمیر افغان سوداګر وايي، د دوی موټرو ته تر اوسه اجازه نه ده ورکړل شوې.
د ملګرو ملتونو مرستندوی ماموریت یا (یوناما) وایي چې د طالبانو تر واکمنۍ لاندې افغانستان کې د ښځو او نجونو حقونه په بیلابیلو برخو لکه د زدهکړې، کار، د تګ راتګ او نورو برخو کې نقض شوي دي.
نن د مې لومړۍ نېټه د کارګرانو نړیواله ورځ ده. دا ورځ په داسې حال کې په افغانستان کې نمانځل کېږي چې زرګونه افغان کارګران له روغتیايي بیمې، د خوندیتوب د تجهیزاتو او د کار له قانوني مصئونیت پرته په سختو شرایطو کې کار کوي.
نور راوښيه
